Baht o’zi nimadir, men bilolmadim,
Sevgi o’zi nima? tushunolmadim.
Ammo armonlarning azoblaridan,
Qancha urinsam ham, chetda qolmadim.
Bu dunyo sig’magan ikki ko’zimga,
To’lib qoldi ikki tomchi achchiq yosh.
Peshona deganga yozilgan ekan,
Rohat emas, faqat chidam va bardosh.
Lekin men aylanmay dali gadoga,
Boshim baland qilib qo’shiq aytaman,
Gar o’lsam, yolvorib egam hudoga,
Bu dunyoga yana qaytaman.
Shunda mening boshim yetib osmonga,
Dilni anduhlardan ozod qilurman.
Aldanib qolmasdan yomonlarga,
Qanday yashashni o’zim bilurman.